रामेछाप, २९ असार । भरुवा बन्दुक सहित एकजना पक्राउ परेका छन् । रामेछापको डाङसिंटारका ईन्द्र बहादुर थापा मगरलाई भरुवा बन्दुक सहित आइतबार राति प्रहरीले पक्राउ गरेको हो ।
थापा मगरले मकै बारीमा बाँदर धपाउनको लागि भरुवा बन्दुक चलाउने क्रममा उक्त भरुवा बन्दुकको छर्रा लागेर सोही ठाउँका आकाश आले मगर घाइते भएपछि पुगेको प्रहरी कार्यालय रामेछाप र प्रहरी चौकी रामेछापडाँडाबाट खटिएको प्रहरीको टोलीले उनलाई पक्राउ गरेको जनाएको छ । घाइते आकाशको धुलिखेल अस्पताल काभ्रेमा उपचार भइरहेको छ । यस सम्बन्धमा प्रहरीले थप अनुसन्धान गरिरहेको बताएको छ ।
