एजेन्सी १ साउन। ‘पठाओ’का सहसंस्थापक फहिम सलेह मृत अवस्थामा फेला परेका छन्। मंगलबार न्यू योर्कस्थित रहेको उनको आफ्नै अपार्टमेन्टमा शव फेला परेका हो ।
सलेहको शवलाई टुक्रा टुक्रा पारिएको विभिन्न अन्तर्राष्ट्रिय सञ्चारमाध्यमले जनाएका छन् । उनको शव नजिक एउटा विद्युतिय काट्ने औजार समेत भेटिएको जनाइएको छ । उनका हात, खुट्टा, अलग गरी टुक्रा टुक्रा पारिएको थियो। उनले २०१५ मा आफना दुई जना सहयोगी मित्रसँग मिलेर बंगलादेशमा राइड सेयरिङ कम्पनी पठाओ खोलेका थिए । नेपालमा पनि उक्त नाममा राइड सेयरिङ कम्पनी दर्ता भएको छ । पठाओ नेपालमा समेत निकै चर्चा कमाएको छ।
