सल्यान, ११ साउन । प्रहरी कर्मचारीलाई हातपात गरेको अभियोगमा २ जना पक्राउ परेका छन् । बागचौर नगरपालिका स्थित सडकमा अस्थाई प्रहरी पोष्ट बाग्चौरबाट खटिएको प्रहरीलाई हातपात गरेको अभियोगमा ईश्वर भण्डारी र दोर्ण गिरीलाई शनिबार प्रहरीले पक्राउ गरेको हो ।
गिरीले चलाएको रा.४ प २८१२ नम्बरको मोटरसाइकलमा सवार भण्डारीले मादक पदार्थ सेवन गरी दाङबाट बागचौर नगरपालिकातर्फ जाँदै गरेको लु.२ च १२०५ नम्बरको जीप चालकलाई दुर्व्यवहार गरी गाडीको चाबी समेत खोसेका प्रहरीले जनाएको छ । घटनाबारे प्रहरीले सोधपुछ गर्नेक्रममा प्रहरी कर्मचारीहरूलाई समेत हातपात गरेका उनीहरुलाई ईलाका प्रहरी कार्यालय थारमारेबाट खटिएको प्रहरीले पक्राउ गरेको थियो । यस सम्बन्धमा प्रहरीले थप अनुसन्धान गरिरहेको जनाएको छ ।
