काठमाडौं, १२ साउन । आफ्नै बाबुको हत्या गरेको अभियोगमा ऐन बहादुर शाहीलाई आइतबार प्रहरीले पक्राउ गरेको छ । जुम्लास्थित आफ्नै ८४ वर्षीय बाबु धन बहादुर शाहीलाई कुटपिट गरी हत्या गरेको अभियोगमा कनकासुन्दरी शाही पक्राउ परेका छन् ।
शाहीले घरायसी विवादको कारण कुटपिट गर्दा गम्भीर घाइते भएका धन बहादुरको कर्णाली स्वास्थ्य विज्ञान प्रतिष्ठान जुम्लामा उपचारको क्रममा मृत्यु भएपछि ईलाका प्रहरी कार्यालय हाडसिजबाट खटिएको प्रहरीले उनलाई पक्राउ गरेको जनाएको छ ।
त्यस्तै बाँकेमा आफ्नै ७५ वर्षीय श्रीमान लक्षीराम थारुलाई धारिलो हतियार बन्चरोले प्रहार गरी हत्या गरेको अभियोगमा खजुराको ६५ वर्षीया मिछिया थारु आइतबार पक्राउ परेकी छिन् । मिछीयाले सामान्य विवादका क्रममा एक्कासी धारिलो हतियार बन्चरोले टाउको, खुट्टा र हातमा प्रहार गर्दा लक्षीरामको मृत्यु भएको प्रहरीले जनाएको छ । उनलाई ईलाका प्रहरी कार्यालय धनौलीबाट खटिएको प्रहरीले उनलाई पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको जनाएको छ ।
