काठमाडौं, १३ साउन । कर्तव्य ज्यान मुद्दाका फरार प्रतिवादी सुरज नेपाली आइतबार पक्राउ परेका छन् । कर्तव्य ज्यान मुद्दाका फरार प्रतिवादी गोरखा अजिरकोट गाउँपालिकाका गोर्खे भन्ने सुरज नेपालीलाई आइतबार प्रहरीले पक्राउ गरेको हो ।
गत जेठ १० गते बिहान काठमाडौं टोखा नगरपालिका खेगल पाखास्थित तिलवक खोलामा करिब २६ वर्षीय पुरुषलाई मारी फरार भएका उनलाई प्रहरीले अजिरकोट गाउँपालिकाको हिमालयन मा.बि. सिम्जुङमा फेला पारी पक्राउ गरेको प्रहरीले जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
