काठमाडौं, १५ साउन । अवैध लागूऔषध गाँजासहित २ जनालाई बुधबार साँझ प्रहरीले पक्राउ गरेको छ । धनुषाको हंसपुर कठपुल्लाबाट १ किलो ६ सय ग्राम अवैध लागूऔषध गाँजासहित २ जना पक्राउ परेका हुन् ।
पक्राउ पर्नेहरुमा बौवालाल मण्डल र सिरहाका मिथुन नायक रहेका छन् । बौवालाल मण्डलको घरमा गाँजा किनबेच भइरहेको थाहा पाएर अस्थाई प्रहरी पोष्ट बेल्हिबाट खटिएको प्रहरीले उनीहरुलाई पक्राउ गरेको जनाएको छ ।
त्यस्तै बिर्तामोड घर भएका अर्जुनधार समाबेसी टोल डेरा गरी बस्दै आएका निकेश राईलाई १ ग्राम ५ सय मिलीग्राम अवैध लागूऔषध ब्राउन सुगर जस्तो देखिने बस्तु सहित बुधबार साँझ प्रहरीले पक्राउ गरेको छ । ईलाका प्रहरी कार्यालय अनारमनीबाट खटिएको प्रहरीले उनलाई पक्राउ गरेको जनाएको छ ।
यसैगरी कन्काई ईलुबारीबाट १२ ग्राम ८० मिलीग्राम अवैध लागूऔषध ब्राउन सुगर जस्तो देखिने पदार्थ सहित संजय पोखरेल समेत ४ जनालाई बुधबार दिउँसो प्रहरीले पक्राउ गरेको छ ।
विषेश सूचनाको आधारमा ईलाका प्रहरी कार्यालय अनारमनी र ईलाका प्रहरी कार्यालय सुरुङ्गाबाट खटिएको प्रहरीले उनीहरुलाई पक्राउ गरेको प्रहरीले जनाएको छ ।
बाँके, बैजनाथ नौवस्ताबाट १ ग्राम ६ सय ६५ मिलिग्राम अवैध लागूऔषध ब्राउन सुगर सहित २ जनालाई प्रहरीले पक्राउ गरेको छ । पक्राउ पर्नेहरुमा आशिष कुमार थारु र राहुल गुप्ता रहेका छन् । उनीहरूले लागूऔषध किन बेच गरेको भन्ने सूचनाको आधारमा ईलाका प्रहरी कार्यालय वनकटुवाबाट खटिएको प्रहरीले उनीहरुलाई पक्राउ गरेको जनाएको छ ।
सर्लाही, लालबन्दी बागबनीबाट १ सय ९६ ट्याब्लेट नियन्त्रित लागूऔषध नाईट्राभेट सहित झापा घर भएका सुनिल सन्थाली (धिमाल) लाई बुधबार साँझ प्रहरीले पक्राउ गरेको छ ।
ईलाका प्रहरी कार्यालय लालबन्दीबाट खटिएको प्रहरीले गस्ती गर्दै जाने क्रममा शंका लागि पैदलयात्री सुनिललाई जाँच गर्ने क्रममा उक्त लागूऔषध सहित फेला पारी पक्राउ गरेको जनाएको छ । यस सम्बन्धमा स्थानीय प्रहरीले थप अनुसन्धान गरिरहेको बताएको छ ।
