काठमाडौं, ३२ साउन । लोमस फार्मास्युटिकल कम्पनीले आफ्नो उत्पादन ‘ह्याण्ड–एक्स’ स्यानिटाईजर अल नेपाल टेबल टेनिस एशोसिएसनलाई सहयोगस्वरुप प्रदान गरेको छ । आज (आईतबार) एक कार्यक्रमका बीच टेबुल टेनिसको कार्यालय तथा प्रशिक्षण केन्द्र लैनचौरमा लोमसका ह्याण्ड–एक्स डिर्पाटमेन्टका निर्देशक प्रणब जंग पाण्डेले टेबुल टेनिसका राष्ट्रिय टिमका मुख्य प्रशिक्षक सन्ध्या शाक्यलाई स्यानिटाईजर र भिटामिन सि प्रदान गरेका हुन् ।
पाण्डेकाअनुसार पाँच सय एम.एलको स्यानिटाईजर स्प्रे र पम्प, एक सय एम.एलको स्यानिटाईजर, भिटामिन सि खेलाडी र प्रशिक्षकहरुको लागि प्रदान गरिएको हो । आफूले एशोसिएसनका अध्यक्ष चतुरानन्द बैद्यसँग समन्वय गरेर ती सामग्री वितरण गरेको पाण्डेले जानकारी दिए ।
पाण्डेले अहिले कोरोना संक्रमणको जोखिमका कारण अन्य खेलहरु सञ्चालन नभएको अवस्था भएकोले आफूहरुले ती सुचारु हुने अवस्था आउनेबित्तिकै खेलसम्वद्ध संघ/संस्था र खेलाडी तथा प्रशिक्षक सबैलाई यी सामग्री प्रदान गरिने कम्पनीको योजना रहेको पनि जानकारी दिए । कार्यक्रममा सामग्री ग्रहण गरेपछि मुख्य प्रशिक्षक सन्ध्या शाक्यले लोमस ह्याण्ड–एक्सका निर्देशक पाण्डेलाई धन्यवाद दिएकी थिईन् ।
