काठमाडौं, २ भाद्र । कोरोना भाइरसको संक्रमणले ज्यान जाने भन्दा पनि सामाजिक अपहेलनाको त्रास बढेको छ । यतिसम्मकी संक्रमित डाक्टरकै परिवार अपहेलित भएका छन् ।
डा. ज्ञानेन्द्रमानसिंह कार्कीलाई कोरोना संक्रमण भएपछि उनको परिवारले समाजबाट सहयोगको साटो अपहेलना भोग्नुपर्यो । उनले छिमेकमा आफू अस्पतालबाट फर्केपछि घरमा बस्न नदिनेसमेत कुरा भएको खुलाएका छन् । उनले भनेका छन्, ‘समाजमा राम्रो स्थान भएको, आफ्नै घर भएको व्यक्तिलाई त समाजले यस्तो व्यवहार गर्छ, सामान्य व्यक्तिलाई कस्तो व्यवहार होला ?’
