काठमाडौं, ८ भाद्र । तास खेलिरहेको अवस्थामा ६ जनालाई नगदसहित आइतबार दिउँसो प्रहरीले पक्राउ गरेको छ । काठमाडौं बल्खु भुवनेश्वरी मन्दिर नजिकै टहरामा तास खेलिरहेको अवस्थामा धादिङ घर भएका कुमार गुरुङ लगायत ६ जना पक्राउ परेका हुन् ।
उक्त टहरामा तास खेलिरहेको भन्ने सूचनाको आधारमा महानगरीय प्रहरी वृत्त कालिमाटीबाट खटिएको प्रहरीले उनीहरुलाई नगद ९४ हजार ४ सय ७० रुपैयाँ र ३ बुक तास सहित पक्राउ गरेको बताएको छ । यस सम्बन्धमा प्रहरीले थप अनुसन्धान गरिरहेको जनाएको छ ।
