काठमाडौं, १० भाद्र । गाई काटेको अभियोगमा छेन्डुक भोटेलाई बुधबार बिहान प्रहरीले पक्राउ गरेको छ । बुढानिलकण्ठ चुनिखेल बस्ने शंखुवासभा घर भएका भोटे गाई काटेको अभियोगमा पक्राउ परेका हुन् ।
बुढानिलकण्ठ नगरपालिका ११ र १३ को सिमाना चुनीखेलस्थित च्याने खोलामा छेन्डुकले गाई काटेर उक्त खोलामा फाल्ने क्रममा स्थानीयहरुले फेला पारी प्रहरीलाई खबर गरेका थिए । महानरीय प्रहरी प्रभाग कपनबाट खटिएको प्रहरीले छेन्डुकलाई पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
