काठमाडौं, ११ भाद्र । काठमाडौं उपत्यकामा आज एकै दिन ३ सय ७७ जना कोरोना संक्रमित थपिएका छन् । देशभर ११ सय ११ जनामा कोरोना पुष्टि भएकोमा काठमाडौमा मात्रै ३ सय ७७ जना थपिएसँगै जोखिम बढेको छ । स्वास्थ्य मन्त्रालयको नियमित पत्रकार सम्मेलनमा प्रवक्ता डा.जागेश्वर गौतमले १२ हजार ६ सय २९ जनाको पिसीआर परिक्षण गरेकोमा ११ सय ११ जनाको रिर्पोट पोजेटिभ आएको जानकारी दिएका हुन् ।
त्यसैगरी आज २४ घन्टामा ५६९ जना कोरोना संक्रमण मुक्त भई घर फर्केका छन् । आजसम्म निको भई घर फर्कनेको सख्या २० हजार ७३ रहेको छ । काठमाडौं उपत्यकामा ३७७ थपिएका मध्ये काठमाडौंका २७० जना र ललितपुरका ६६ जना र भक्तपुरका ४१ जना रहेका छन् । देशभर कुल संक्रमितको सख्या ३५ हजार ५ सय २९पुगेको छ ।
