तेह्रथुम, १२ भाद्र । फलामको दाउले प्रहार गरी घाइते बनाएको अभियोगमा दल प्रसाद सम्बाहाम्फेलाई बिहीबार बेलुका प्रहरीले पक्राउ गरेको छ । फेदाप गाउँपालिका लाम्थुङगाका जय बहादुर तामाङलाई फलामको दाउले प्रहार गरी गम्भीर घाइते बनाएको अभियोगमा कुमायक गाउँपालिका घर भएका सम्बाहाम्फे पक्राउ परेका हुन् ।
तामाङको घरमा विगत ५ बर्ष देखि काम गर्न बसेका सम्बाहाम्फेले मादक पदार्थ सेवन गरेर तामाङलाई दाउले प्रहार गर्दा गम्भीर घाइते बनाएका थिए । प्रहरी चौकी पोक्लावाङबाट खटिएको प्रहरीले उनलाई पक्राउ गरेको जनाएको छ । यस सम्बन्धमा प्रहरीले आवश्यक अनुसन्धान गरिरहेको बताएको छ ।
