एजेन्सी, १३ भाद्र । पति र पत्नीबीच झगडा भयो । पत्नीले पतिमाथि टाउकोमा हतियारले प्रहार गरिन् । यसक्रममा पतिको मृत्यु भयो ।
घटना लुकाउन पत्नीले पतिलाई सुत्ने कोठामै गाडिन् । पतिलाई गाडेर अर्को गाउँमा बस्न पुगिन् । तर, प्रहरीले हत्या पत्ता लगायो ।
इन्डियन एक्सप्रेसका अनुसार यो घटना भारतको उत्तरपूर्वी राज्य त्रीपुरामा बिहिबार साँझ भएको हो । जहाँ २१ वर्षीया महिलाले ३० वर्षीय पति सञ्जित रिआंगको हत्या गरेर गाडेको पत्ता लागेको हो । प्रहरीले अनुसन्धानबाट उनीहरु प्रायः झगडा गरिरहने गरेको पत्ता लगाएको थियो ।
अभियुक्त महिलालाई घटना घटेको भोलिपल्ट बिहिबार पक्राउ गरिएको थियो । उनलाई कोरोना भाइरसको संक्रमण भएको समेत पत्ता लागेको छ ।
