काठमाडौं, भाद्र । काठमाडौं उपत्यकामा आज एकै दिन ४ सय २९ जना कोरोना संक्रमित थपिएका छन् । देशभर १२ सय २१ जनामा कोरोना पुष्टि भएकोमा काठमाडौमा मात्रै ४ सय २९ जना थपिएसँगै जोखिम बढेको छ ।
त्यसैगरी आज २४ घन्टामा २६५ जना कोरोना संक्रमण मुक्त भई घर फर्केका छन् । आजसम्म निको भई घर फर्कनेको सख्या २० हजार ८ सय २२ रहेको छ । काठमाडौं उपत्यकामा थपिएका मध्ये काठमाडौंका ३७२ जना र ललितपुरका १२ जना र भक्तपुरका ४५ जना रहेका छन् । देशभर कुल संक्रमितको सख्या ३८ हजार ५ सय ६१ पुगेको छ ।
