काठमाडौं, १५ भदौ । चर्चित नायक पल शाह र नायिका एलिजा गौतम अभिनित ‘आटो पिठो’ बोलको गीतको म्युजिक भिडिओ सार्वजनिक भएको छ । आज अपरान्ह सबा चार बजे उक्त भिडिओ लाईमलाईट नेपालमार्फत सार्वजनिक गरिएको हो ।
अहिलेका सर्वाधिक चलेका गायक निशान भट्टराई र गायिका सोनिका लामाको स्वर रहेको उक्त गीतमा नायक शाह र नायिका गौतमको जोडदार अभिनय रहेको छ । दीपक शर्माको शब्द, संगीत रहेको उक्त गीतको एरेन्ज भने नरेन्द्र वियोगीले गरेका छन् ।
भिडिओको छायाँकन भने रामकुमार केसीले गरेका छन् । गम्भिर बिष्टको कोरियोग्राफी रहेको भिडिओको सम्पादन तथा निर्देशन टेकेन्द्र शाहले गरेका हुन् । लकडाउनकै अवधिमा एलिजा अभिनित भिडिओ आधी कपाल सार्वजनिक भैसकेको छ । आधी कपालमा एलिजासँगै दुर्गेश थापाको अभिनय छ । त्यस्तै, केही दिनअघिमात्रै पुष्प खड्का र एलिजा अभिनित म सास बन्न पाए बोलको गीतको भिडिओ पनि सार्वजनिक भएको छ । यसअघिका दुवै भिडिओलाई दर्शले अत्याधिक रुचाएका छन् ।
हेरौं भिडिओ :
