काठमाडौं, १५ भाद्र । लागूऔषध सहित २ जनालाई आइतबार राति प्रहरीले पक्राउ गरेको छ । पोखरा महानगरपालिका भरतपोखरीबाट ६ किलो १ सय ग्राम अबैध लागूऔषध गाँजा र १ थान लागूऔषध तौल गर्ने मेसिन सहित २ जना पक्राउ परेका हुन्
पक्राउ पर्नेहरुमा बिरौटा बस्नेहरु तनहुँ का संजोक बिक र शिलास बिक रहेका छन् । पोखराको बिभिन्न स्थानमा लागूऔषध बिक्री बितरण, ओसारपसार हुने गरेको भन्ने गोप्य सूचनाको आधारमा जिल्ला प्रहरी कार्यालय कास्की र प्रहरी चौकी भरतपोखरीबाट खटिएको प्रहरीले ग.९ प ६०२८ नम्बरको मोटरसाइकल जाँच गर्ने क्रममा मोटरसाइकलमा सवार उनीहरुलाई उक्त परिमाणको लागूऔषध सहित फेला पारी पक्राउ गरेको जनाएको छ ।
देवताल गाउँपालिका दक्षिण झिटकैया टोलस्थित सडकबाट एकसय एमएलको ५९ बोतल नियन्त्रित लागूऔषध विनरेक्स सहित २ जनालाई आइतबार दिउँसो प्रहरीले पक्राउ गरेको छ ।
पक्राउ पर्नेहरुमा कृष्ण कुमार साह र १६ वर्षीय किशोर रहेका छन । प्रहरी चौकी दक्षिण झीटकैया बाराबाट खटिएको प्रहरीले साइकलमा आउँदै गरेका उनीहरुलाई जाँच गर्ने क्रमम उक्त परिमाणको लागूऔषध फेला पारेको हो । उनीहरुमाथि लागूऔषध मुद्दामा जिल्ला अदालत बाराबाट म्याद थप गरी आवश्यक अनुसन्धान भइरहेको जिल्ला प्रहरी कार्यालय बाराले जनाएको छ ।
