काठमाडौं, २१ भदौ । नायक नाजिर हुसेन र नायिका स्वस्तिमा खड्कासँग पत्रकार ऋषि धमलाले प्राइम टाईम्स टिभीको नियमित कार्यक्रम ‘जनता जान्न चाहन्छन् कार्यक्रम’ मा रमाईलो कुराकानी गरेका छन् । नायिका खड्काले लकडाउनका कारण परिवारसँग समय व्यतित भैरहेको र आफू खुशी रहेको स्पष्ट पारिन् । यो बीचमा निश्चलसँगै बसेर चलचित्रहरु हेरेको पनि उनले जनाईन् । र, नयाँ चलचित्रको लागि स्क्रिप्टपनि अध्ययन गर्ने काम भैरहेको उनले बताएकी छिन् ।
कार्यक्रमको अन्त्यतिर पत्रकार धमलाले नायक हुसेन र नायिका खड्कालाई रोमान्सबारे सोधेका थिए । हुसेनले त आफूले जे काम गर्दा आनन्द आउँछ त्यही नै रोमान्स हुने जवाफ फर्काए । यतिकैमा नायिका खड्काले धमलालाई एउटा भन्दै सोधिन्,‘तपाईं नै भनिदिनुहोस न त, रोमान्स भनेको के रैछ त ? तपाई त एक्सपिरियन्स गरेको मान्छे ?’ प्रस्तुत छ कुराकानीको पूरा भिडिओ:
