पत्रकार राजाराम कार्कीमाथि आक्रमण, टाउकोमा गम्भीर चोट

काठमाडौं, २१ भाद्र । पत्रकार राजाराम कार्कीमाथि आक्रमण भएको छ । राष्ट्रिय समाचार संस्थाका वरिष्ठ समाचारदाता कार्कीमाथि आज भक्तपुरमा आक्रमण भएको हो । उनको टाउकोमा गम्भीर चोट लागेको छ ।

आक्रमणकारी सुर्यविनायक नगरपालिका १० का उद्धव कार्की भएको पत्ता लागेको छ । आक्रमणकारी उद्धवको पहिचान भएसँगै उनलाई पक्राउका लागि प्रहरी परिचालन भइसकेको बुझिएको छ ।