रुपन्देही, ३१ भाद्र । दुर्लभ वन्यजन्तु सालक सहित पाँच जनालाई मंगलबार दिउँसो प्रहरीले पक्राउ गरेको छ । बुटवल उपमहानरगपालिका नेपालगंज रोडस्थित ग्राण्डी होटल अगाडिको बाटोबाट १ थान दुर्लभ वन्यजन्तु जिउदो सालक सहित ५ जना पक्राउ परेका हुन् ।
पक्राउ पर्नेहरुमा सिरहा, सिरहाका मनोज कुमार कर्ण, सिन्धुलीका लोक बहादुर तामाङ, लाल बहादुर तामाङ, सर्लाही हरीओम गाउँपालिकाकासूर्य लामा र उदयपुर गाईघाटका नेत्रमाया राना रहेका छन् ।
ईलाका प्रहरी कार्यालय बुटवलबाट खटिएको प्रहरीले शंकास्पद अवस्थामा हिँडिरहेका उनीहरुलाई जाँच गर्दा उक्त सालक सहित फेला पारी उनीहरुलाई पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
