काठमाडौं, १ असोज । भारतीय प्रधानमन्त्री नरेन्द्र मोदीले नेपाल र भारतबीचको सम्बन्धको आधार साझा संस्कृति र इतिहास रहेको भन्दै मजबुत बनाउनेतर्फ लागिरहेको बताएका छन् । आफ्नो जन्मदिनमा प्रधानमन्त्री केपी शर्मा ओलीको शुभकामना सन्देशको जवाफमा मोदीले यस्तो बताएका हुन् ।
ओलीले ट्वीटरमार्फत् जन्मदिनको शुभकामना दिएपछि मोदीले रिट्वीटर गर्दै आफूहरु सम्बन्ध अझ मजबुत बनाउन लागेको बताए । उनले भने, ‘साझा संस्कृति र इतिहासको आधारको भारत नेपाल सम्बन्धलाई थप मजबुत बनाउन हामी लागेका छौं ।’ उनले ओलीलाई धन्यवाद समेत व्यक्त गरे ।
यसअघि प्रधानमन्त्री ओलीले मोदीको सुस्वास्थ्य र खुशीको कामना गर्दै शुभकामना व्यक्त गरेका थिए । ओलीले शुभकामना सन्देशमा भनेका छन्, हामी दुई देशको सम्बन्ध थप सुदृढ गर्न नजिक रहेर निरन्तर काम गर्नेछौं ।-फाइल तस्वीर
