एजेन्सी, २ असोज । बलिउडमा लागूऔषधको विषयमा निकै छेडछाड हुँदै आएको छ । कलाकारहरु आरोप प्रत्यारोप लगाउनमा व्यस्त छन् । कंगना रनौट र उर्मिला मातोंडकरबीच एक अर्कालाई निशाना बनाइरहेका छन् । एक अन्र्तर्वाताको क्रममा कंगनाले उर्मिलालाई सफ्ट पोर्न स्टार भनेकी थिइन् ।
कंगनाको भनाईलाई उर्मिलाले अन्र्तर्वाताको क्रममा जवाफ दिदै लागूऔषध सेवन गर्ने फिल्म उद्योगका व्यक्तिहरुको नाम प्रमाण सहित राख्न चुनौति दिएकी छिन् । उनले लागूऔषध सेवन गर्ने व्यक्तिको नाम पर्दाफास गर्नपनि बताइन् । उर्मिलाले भनिन्, ‘कंगनासँग सबैकुरा छ, पैसा, धन र प्रसिद्धि । अब त उनले उद्योगलाई धन्यवाद दिनुपर्ने होइन् र किन यो मुद्दा पहिला नउठाएको ? आज कंगनाको कारण बलिउडका हरेक व्यक्ति दुखी छन् ।’
जया बच्चनको समर्थन गर्दै उर्मिलाले राजनितीक विषय समातेर कंगनाले भाजपाको टिकट चाहेको समेत आरोप लगाएकी थिइन् । उर्मिलाले हिमाञ्चल प्रदेश सबैभन्दा लागुऔषधको गढ रहेको भन्दै कंगनाले पहिले आफ्नो राज्यबाट सुरु गर्न आग्रह गरिन् ।
