काठमाडौं, १६ असोज । काठमाडौं उपत्यकामा आज एकै दिन १६ सय ३८ सय जना कोरोना संक्रमित थपिएका छन् । देशभर २७ सय २२ जनामा कोरोना पुष्टि भएकोमा काठमाडौमा मात्रै १६ सय ३८ जना थपिएसँगै जोखिम बढेको छ । स्वास्थ्य मन्त्रालयको नियमित पत्रकार सम्मेलनमा प्रवक्ता डा।जागेश्वर गौतमले १४ हजार ७ सय ३९ जनाको पिसीआर परिक्षणमा २७ सय २२ जनाको रिर्पोट पोजेटिभ आएको जानकारी दिएका हुन् ।
त्यसैगरी आज २४ घन्टामा ३३ सय ७ जना कोरोना संक्रमण मुक्त भई घर फर्केका छन् । आजसम्म निको भई घर फर्कनेको सख्या ६० हजार ६ सय ९६ रहेको छ । काठमाडौं उपत्यकामा थपिएका मध्ये काठमाडौंका १२८० जना र ललितपुरका १६२ जना र भक्तपुरका १९६ जना रहेका छन् । देशभर कुल संक्रमितको सख्या ८२ हजार ४ सय ५० पुगेको छ ।
