काठमाडौं, २० असोज । अवैध लागूऔषध सहित एक महिला पक्राउ परेकी छिन् । दमक दिप ज्योती उराउ टोल बस्ने रुपा चौधरी भण्डारीलाई करिब ३५ ग्राम अवैध लागूऔषध खैरो हेरोइन र नगद ७४ हजार ६ सय १५ रुपैयाँ सहित आइतबार बिहान प्रहरीले पक्राउ गरेको हा ।
उनको कोठामा लागूऔषध किनबेच गर्ने गरेको खबर प्राप्त हुनासाथ ईलाका प्रहरी कार्यालय दमकबाट खटिएको प्रहरीले कोठा तलासी गर्दा कोठाभित्र पलङ मुनि लुकाई छिपाई राखेको उक्त लागूऔषध सहित फेला पारी उनलाई पक्राउ गरेको जनाएको छ ।
त्यस्तै भिमफेदी गाउँपालिका स्थित सडकमा ८ सय ७० पिस नियन्त्रित लागूऔषध नाइट्राभेट सहित २ जनालाई सोमबार बिहान प्रहरीले पक्राउ गरेको छ । पक्राउ पर्नेहरुमा काठमाडौं बस्ने प्युठान घर भएका १८ वर्षीय किशोर र काठमाडौं बस्ने १७ वर्षीय किशोर रहेका छन् ।
प्रहरी चौकी भैसे मकवानपुरबाट खटिएको प्रहरले हेटौडाबाट काठमाडौंतर्फ आउँदै गरेको बा.९६ प ३२८५ नम्बरको मोटरसाइकललाई शंका लागि जाँच गर्ने क्रममा उक्त लागूऔषध सहित फेला पारी मोटरसाइकलमा सवार उनीहरुलाई पक्राउ गरेको जनाएको छ ।
यस सम्बन्धमा स्थानीय प्रहरीले थप अनुसन्धान गरिरहेको बताएको छ ।
