वीरगंज, २१ असोज । इलाका प्रहरी कार्यालय जीतपुरले बुधवार बिहान ट्रकबाट १४७ किलो गाँजा बरामद गरेको छ । चेकजाँचको क्रममा ना. ७ ख ९५५४ नं.को ट्रकबाट ७ वटा पोकामा रहेको १४७ किलो गाँजा बरामद भएको प्रहरी नायब निरीक्ष्ँक देवबहादुर चन्दले बताए ।
जीतपुरमा प्रहरीले अन्य सवारी साधन चेकजाँच गरिरहेको देखेपछि सो ट्रकका चालक फरार भएको प्रहरीले जनाएको छ ।
बरामद भएको गाँजा र ट्रकलाई आवश्यक कारबाईको लागि जिल्ला प्रहरी कार्यालय, बारा पठाइएको छ भने चालकको खोजी भइरहेको छ ।-फाइल तस्वीर
