वीरगंज, २१ असोज । पर्साको कालिकामाई गाउँपालिकाको गंगोल खोलामा एकजना महिलाको शव बरामद भएको छ । आज बिहान ९ बजे कालिकामाई गापा–४ गङ्गोल खोलामा करीब ३५ वर्षीया महिलाको शव भेटिएको इलाका प्रहरी कार्यालय, पोखरियाका प्रनि दीपक थापाले बताए । शवको सनाखत हुन सकेको छैन ।
महिलाको हातखुट्टा बाँधिएको, मुखमा केही कोचिएको अवस्थामा शव भेटिएको थापाले बताए ।
महिलाको शव पोस्टमार्टमको लागि नारायणी अस्पताल पठाइएको छ भने घटनाको अनुसन्धान भइरहेको निरीक्षक थापाले बताए ।
महिलाको मुखमा केही वस्तु कोची हातखुट्टा बाँकी हत्या गरिएको प्रारम्भिक अनुसन्धानबाट देखिएको प्रहरीले जनाएको छ ।
