काठमाडौं, २८ असोज । प्रतिनिधिसभाकी सांसद सानु सिवा पहाडीको निधन भएको छ । लामो समयदेखि अस्वस्थ रहेकी उनको बुधबार उपचारका क्रममा काठमाडौंमा निधन भएको हो ।
सिवाको परिवारले उनको काठमाडौं मेडिकल कलेजमा निधन भएको जानकारी दिएको छ । उनी मृगौला र मुटुरोगका कारण अस्वस्थ थिइन् । सिवा प्रतिनिधिसभामा समानुपातिकतर्फकी सांसद थिइन् ।
मृगौला प्रत्यारोपणपछि पनि उनी अस्वस्थ थिइन् । ताप्लेजुङमा जन्मिएकी सिवा सांगितिक क्षेत्रमा समेत परिचित थिइन् ।
