काठमाडौं, ५ कात्तिक । राष्ट्रिय परीक्षा बोर्डले कक्षा १२ को वार्षिक परीक्षाको समय तालिका सार्वजनिक गरेको छ । आज बोर्डको परीक्षा नियन्त्रण कार्यालयले परीक्षाको समय तालिका सार्वजनिक गरेको हो । परीक्षा ९ मंसिरबाट शुरु भई १६ मंसिरसम्म हुने तय भएको छ ।
८ वैशाखबाट तय भएको परीक्षा कोरोना भाइरसको महामारीका कारण स्थगित भएकोमा सरकारले सञ्चालन गर्ने निर्णय गरेको हो ।
सुरक्षासम्बन्धी मापदण्ड र सामाजिक दुरीको पालना गरी परीक्षा विहान ८ बजे देखि साँढे ९ बजेसम्म हुने जनाइएको छ ।
