काठमाडौं, ९ कात्तिक । बितेको २४ घन्टाभित्र देशमा पाँचजनाको कोरोना भाइरसको संक्रमणबाट मृत्यु भएको छ । मृत्यु हुनेहरुमा दुईजना काठमाडौं उपत्यकाका छन् ।
स्वास्थ्य मन्त्रालयका अनुसार अहिलेसम्म ८ सय ४७ जनाको कोरोना संक्रमणबाट मृत्यु भइसकेको छ । यसअघि हिजो १३ जना कोरोना संक्रमितको मृत्यु भएको थियो । दैनिक मृत्यु हुने क्रम यथावत् छ ।
यसैगरी, २८ सय ५६ जना कोरोना भाइरसका संक्रमित थपिएका छन् । योसँगै कुल संक्रमित संख्या एक लाख ५८ हजार ८९ पुगेको छ ।
