काठमाडौँ, १० कात्तिक: राष्ट्रपति विद्यादेवी भण्डारीले चाँडै कोरोना भाइरसलाई जित्ने र आगामी दशैँ सदाझैंँ हर्षोल्लासपूर्वक मनाउने विश्वास व्यक्त गर्दै बडादशैँका उपलक्ष्यमा सबैमा पुनः शुभकामना दिएकी छिन् ।
आज अपराह्न ट्वीट गर्दै उनले कोभिड–१९ महामारीका कारण सबै आफन्तजन र आमनागरिकसँग दशैँ मनाउन सम्भव नभएको र आफूले आमाका हातबाट आशीर्वाद थाप्नाका साथै छोरी–ज्वाइँ एवं नातिनीहरूलाई टीका प्रदान गरेको उल्लेख गरेकी छिन् ।-रासस
कोभिड–१९ महामारीको कारण सबै आफन्तजन र आम नागिरकसँग दसैँ मनाउन सम्भव भएन। मैले आमाको हातबाट आशिर्वाद थापेँ र छोरी–ज्वाइँ एवं नातिनीहरूलाई टीका प्रदान गरेँ।आशा छ‚ हामीले चाँडै कोरोनाभाइरसलाई जित्नेछौं र आगामी दसैँ सदा झैं हर्षोल्लासपूर्वक मनाउने छौं। बडादसैँको सबैमा पुन: शुभकामना! pic.twitter.com/t4AXy79wPL
