धनगडी, १४ कात्तिक । लागुऔषध खैरो हिरोइनसहित युवक पक्राउ परेका छन् । धनगढी उपमहानगरपालिका–१० बस्ने भतिज भन्ने २४ वर्षीय राम निवास रानालाई अवैध लागूऔषध २५ ग्राम ४ सय मिलिग्राम खैरो हिरोइन सहित बिहीबार साँझ प्रहरीले पक्राउ गरेको हो ।
लागू औषध किनबेच गरेको बिषेश सूचनाको आधारमा जिल्ला प्रहरी कार्यालयबाट खटिएको प्रहरीले जाँच गर्दा उनको साथबाट उक्त परिमाणको लागूऔषध फेला पारी पक्राउ गरेको जानकारी दिएको छ ।
नेपालगंज उपमहानगरपालिका–३ एकलैनीस्थित सडकबाट अवैध लागूऔषध ६ ग्राम ब्राउन सुगर सहित भारत जिल्ला लक्षिमपुर थानाका आरिफ बन्जरालाई बिहीबार दिउँसो प्रहरीले पक्राउ गरेको छ ।
जिल्ला प्रहरी कार्यालयबाट खटिएको प्रहरीले जाँच गर्ने क्रममा उनले लुकाई ल्याएको अवस्थामा उक्त परिमाणको लागूऔषध फेला पारी पक्राउ गरेको बताएको छ । यस सम्बन्धमा स्थानीय प्रहरीले थप अनुसन्धान गरिरहेको जनाएको छ ।
