पुनरागमन खेलमा रोनाल्डोले गरे दुई गोल

काठमाडौं, कार्तिक १७ । हालै कोरोना जितेर मैदानमा फर्केका स्टार खेलाडी क्रिष्टियानो रोनाल्डोले पुनरागमन खेलमा दुई गोल गरेका छन् ।

दोहोरो गोल गरेपछि इटाली सिरी ए मा जुभेन्ट्सले स्पेजियामाथि जित हात पारेको छ । ३५ वर्षीय रोनाल्डो दोस्रो हाफमा पेनाल्टीमार्फत दुई गोल गरेका हुन् ।

कोरोना सङ्क्रमित रहेको समयमा तीन साता होम आइसोलेशनमा बस्दा उनले चार खेल गुमाएका छन् ।