काठमाडौं ,१८ कात्तिक । छुट्टाछुट्टै स्थानबाट अवैध लागूऔषध सहित १४ जना पक्राउ परेका छन् । नेपालगंजको किसान इँटाभट्टा नजिकबाट २२ ग्राम अवैध लागूऔषध ब्राउनसुगर जस्तो देखिने धुलो पदार्थ सहित सागर थापा र भारतका राकेश कुमार सोनी लगायत ४ जनालाई सोमबार दिउँसो प्रहरीले पक्राउ गरेको हो ।
जिल्ला प्रहरी कार्यालय बाँके र लागूऔषध नियन्त्रण व्यूरो नेपालगंजबाट खटिएको प्रहरीले जाँच गर्दा उक्त पदार्थ सहित फेला पारी उनीहरुलाई पक्राउ गरेको बताएको छ ।
त्यस्तै तिलोत्तमा नगरपालिका–१३ बाउन्नकोटीबाट ८ ग्राम ९ सय मिलीग्राम अवैध लागूऔषध ब्राउनसुगर सहित सोही नगरपालिका–१४ का बिनोद रानालाई सोमबार दिउँसो प्रहरीले पक्राउ गरेको छ । जिल्ला प्रहरी कार्यालय रुपन्देहीबाट खटिएको प्रहरीले उनलाई जाँच गर्दा उक्त ब्राउनसुगर सहित फेला पारी पक्राउ गरेको जनाएको छ ।
त्यस्ता कञ्चनपुरको बेलौरी नगरपालिका–६ बेलौरी बजारबाट करिब ५० ग्राम अवैध लागूऔषध खैरो हेरोइन जस्तो देखिन पदार्थ सहित सोही ठाउँका दिनेश बोट पक्राउ परेका छन् । संघिय प्रहरी ईकाइ कार्यालय लागूऔषध नियन्त्रण सेल महेन्द्रनगर र ईलाका प्रहरी कार्यालय बेलौरीबाट खटिएको प्रहरीले यूपी ३१ एएफ ७९९० भारतीय नम्बरको मोटरसाइकल जाँच गर्दा उक्त पदार्थ सहित फेला परी मोटरसाइकल चालक दिनेशलाई पक्राउ गरेको बताएको छ ।
त्यस्तै मोरङको केराबारी गाउँपालिका–३ हचुवाबाट करिब ६ सय ४० ग्राम अवैध लागूऔषघ गाँजा सहित सोही ठाउँको १८ वर्षीय किशोरलाई सोमबार साँझ प्रहरीले पक्राउ गरेको छ ।
ईलाका प्रहरी कार्यालय केराबारीबाट खटिएको प्रहरीले उनलाई जाँच गर्दा बोकेको झोलामा उक्त गाँजा सहित फेला पारी पक्राउ गरेको जनाएको छ ।
यसैगरी, सिरहाको धनगढिमाई नगरपालिका–१४ भालुटार सखुवाचौरीस्थित सडकबाट करिब १० किलो अवैध लागूऔषध गाँजा सहित सोही ठाउँका बुध बहादुर तामाङलाई सोमबार बेलुका प्रहरीले पक्राउ गरेको छ ।
