काठमाडौं, २१ कात्तिक । टहरोभित्र एक बालिका बलात्कृत भएकी छिन् । ९ वर्षीया बालिकालाई बलात्कार गरेको अभियोगमा ललितपुर महालक्ष्मी बस्ने १६ वर्षीय किशोरलाई बिहीबार दिउँसो प्रहरीले पक्राउ गरेको छ ।
किशोरले ती बालिकालाई सोही ठाउँस्थित टहरोभित्र जबरजस्ती करणी गरेको सुचनाको आधारमा महानगरीय प्रहरी प्रभाग ईमाडोलबाट खटिएको प्रहरीले उनलाई पक्राउ गरेको जनाएको छ ।
त्यस्तै, सप्तरीकी ३५ बर्षीया महिलालाई जबरजस्ती करणी गरेको अभियोगमा हनुमाननगर कंकालिनी नगरपालिका–४ बाँसघारीका सोगिन्दर रामलाई बिहीबार दिउँसो प्रहरीले पक्राउ गरेको हो ।
रामले ती महिलालाई जबरजस्ती करणी गरेको खबर प्राप्त हुनासाथ ईलाका प्रहरी कार्यालय कञ्चनपुर सप्तरीबाट खटिएको प्रहरीले उनलाई पक्राउ गरेको बताएको छ । यस सम्बन्धमा स्थानीय प्रहरीले थप अनुसन्धान गरिरहेको जानकारी दिएको छ ।
