डोटी, २४ कात्तिक । भरुवा बन्दुक सहित ३ जनालाई आइतबार साँझ प्रहरीले पक्राउ गरेको छ । पुर्वी चौकी गाउँपालिका–६ पाले वन ठुलाखोलाबाट १ थान भरुवा बन्दुक सहित ३ जना पक्राउ परेका हुन् ।
पक्राउ पर्नेहरुमा सोही गाउँपालिका–६ गाजँरी बस्ने ३७ वर्षीय गणेश कुंवर, ३४ वर्षीय झलक कुंवर र ३० वर्षीय छत्र बहादुर कुंवर रहेका छन् । जिल्ला प्रहरी कार्यालय डोटी र प्रहरी चौकी सानागाउँबाट खटिएको प्रहरीले उनीहरुलाई उक्त हतियार सहित फेला पारी पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
