एजेन्सी, २६ कात्तिक । तिहार नजिक आइरहेको छ । बलिउड कलाकारहरु पनि यस पर्वलाई लिएर उत्साहित भएका छन् । करीना कपुर खान तिहारको एक सानो विशेष कार्यक्रममा आफन्तहरुसँग देखिएकी छिन् । जसले उनलाई र उनकै काममा सहयोग गर्छन् । यो तस्बीर करीनाको म्यानेजर पुनम दमानियले सेयर गरेकी हुन् ।
तस्वीरमा करीना कपुर ,बबीता र पुनमको साथै फेशन डिजाइनर मसाबा गुप्ता र मेकअप कलाकार पाम्पी हैंसपनि देखिएका छन् । करीनाले सेतो रंगको कुर्ता सलवार लगाएकी छिन्, जसमाथि रातो दुपट्टा राखेकी छिन् । उनी यस समयमा गर्भवती छिन् र उनको चमक उनको अनुहारमा देखिएको छ । करीनाको गर्भमा बच्चा हुर्किरहेको तस्वीरमा प्रष्टसँग देखिएको छ । पुनमले तिहारको सुरुवातीमा तस्वीर सेयर गर्दै ह्याप्पी तिहार लेखेकी छिन् ।
करीनाले केही समय अगाडी एक तस्वीर सेयर गर्दै इन्स्टाग्राममा लेखेकी थिइन्, ‘टिकासँग केही त छ । मलाई धेरै मन पर्छ ।’ गर्भवतीको क्रममा पनि पनि करीनाले काम गर्दै आएकी छिन् । पछिल्लो समयमा उनले दिदी करिश्मा कपुरसँग एक कमर्शियल शुट गरेकी थिइन् ।
भर्खरै मात्र उनले आमिर खानको फिल्म लाल सिंह चड्डाको सुर्टिङको काम पुरा गरेकी हुन् । यो फिल्ममा करीनाले फिमेल लिड गरेकी छिन् । आमिर खान र करीनाले सँगै काम गरेकोे यो तेस्रो फिल्म हो ।
श्रोतः एजेन्सी
