आगलागीमा कप्तान मियाँको घर जल्यो

वीरगंज, २६ कात्तिक। बाराको परवानीपुर गाउँपालिका वडा नं. ५ बहुअरीमा आज बिहान आगलागी हुँदा एकजनाको घर जलेर नष्ट भएको छ । स्थानीय कप्तान मियाँको फुसको घरमा विद्युत सर्टसर्किट हुँदा आगलागी भएको थियो ।

आगलागीबाट २ लाख बराबरको क्षति भएको वडाध्यक्ष रामेश्वर कलवारले जानकारी गराए । वीरगंज महानगरको वारुणयन्त्र, स्थानीयवासी र प्रहरीको सहयोगमा आगलागी नियन्त्रणमा आएको थियो ।