उदयपुर, ५ मंसिर । सालकको खपेटा सहित ४१ वर्षीय पुरुषलाई प्रहरीले पक्राउ गरेको छ । त्रियुगा पिपल चोकबाट ३ सय ८० ग्राम तौल भएको सालकको खपेटा (आखेटो पहार) सहित सोही नगरपालिका–१४ टोड्केका पहलमान कटुवाल बिहीबार दिउँसो पक्राउ परेका हुन् ।
साउनेबाट गाईघाटतर्फ जाँदै गरेको स.१ ह २६९० नम्बरको अटोलाई नगर प्रहरी कार्यालय गाईघाटबाट खटिएको प्रहरीले जाँच गर्दा उक्त अटोको सिटमुनि लुकाई राखेको उक्त खपेटा फेला पारी अटोका चालक कटुवाललाई पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
