काठमाडौं, ८ मंसिर । लागुऔषध गाँजासहित २ जना पक्राउ परेका छन् । धादिङको गजुरी गाउँपालिका–१ गजुरी बजारबाट करिब ६ केजी अवैध लागूऔषध गाँजा सहित २ जनालाई आइतबार राति प्रहरीले पक्राउ गरेको हो ।
पक्राउ पर्नेहरुमा ग.१५ प ३३५० नम्बरको स्कुटर चालक निलकण्ठ नगरपालिका–६ सुनौलाबजार बस्ने २२ वर्षीय दिलिप दाहाल र स्कुटरमा सवार सोही ठाउँ बस्ने २० वर्षीय राजन परियार रहेका छन् । ईलाका प्रहरी कार्यालय गजुरीबाट खटिएको प्रहरीले उक्त स्कुटर जाँच गर्ने क्रममा गाँजा सहित उनीहरुलाई पक्राउ गरेको जनाएको छ ।
यस सम्बन्धमा स्थानीय प्रहरीले थप अनुसन्धान गरिरहेको बताएको छ ।
