एजेन्सी, १० मंसिर । रुसले अमेरिकी नौसैनिक जहाजलाई डुबाइदिने धम्की दिएपछि आफ्नो समुन्द्री क्षेत्रबाट हटेको बताएको छ । मङ्गलबार सी अफ जापानको रुसी क्षेत्रको दुई किलोमिटरभित्र अमेरिकी नौसैनिक जहाज प्रवेश गरेपछि त्यस्तो धम्की दिनुपरेको रुसी दाबी रहेको छ ।
रुसले डुबाइदिने धम्की दिएपछि जहाजले उक्त क्षेत्र छाडेको जनाएको छ । तर, अमेरिकी नौसैनिकले कुनै गलत कार्य नगरेको र आफ्नो नौसैनिक जहाजलाई नहटाइएको दाबी गरेको छ ।
सी अफ जापान रुस, कोरिया र जापानको सीमा नजिक पर्छ । उक्त क्षेत्रमा रुस, अमेरिकालगायत देशको युद्धपोत पुग्नेगर्छ । रुस र अमेरिकाबीच सैन्य टकराव छ । बेला बेलामा जमिन, समुन्द्र र आकाशमा समेत तनाव बढ्नेगर्छ ।
