काठमाडौँ, १३ मङ्सिर। नेपाल उद्योग वाणिज्य महासंघको निर्वाचन सकिएको छ। शतप्रतिशत मतदान सहित मतदान सम्पन्न भएको निर्वाचन अधिकृत लिलामणी पौडेलले जानकारी दिए। उनका अनुसार बस्तुगत तर्फबाट १०१ मा १०१ नै मतदान भएको छ, जिल्ला नगरबाट १०५ रहेकोमा त्यहाँ पनि शतप्रतिशत नै मतदान भएको छ भने एसोसिएट तर्फ पनि सबै मतदान भएको पौडेलको भनाइ छ। कुल ११ सय १० जना मतदाता रहेकोमा सबैले मतदान गरेका छन्। निर्वाचन सकिएसँगै निर्वाचन समितिले मत गणनाको तयारी सुरु गरेको छ। साँझ ६ बजेबाट मतगणना सुरु गर्ने पौडेलले जानकारी दिए । मत परिणाम आउन मध्यरात १२ बजे सम्म लाग्ने अनुमान रहेको पौडेलको भनाइ छ। तस्विर : मुकुन्द कालिकोटे, रिपोर्टर्स नेपाल डटकम
