काठमाडौं, २८ मंसिर । नेपाली काँग्रेसका सभापति शेरबहादुर देउवाले अब काँग्रेसले अझ प्रखर ढंगले नेतृत्व गर्ने बताएका छन् । काँग्रेसले मुलुकलाई हरेक चुनौतीका घडिमा निकास र नेतृत्व दिएको भन्दै अहिलेको जटिल समयमा पनि गम्भीर भएर लागेको बताएका छन् ।
भोलि काँग्रेसले गर्न लागेको देशव्यापी प्रदर्शनको पूर्व सन्ध्यामा देउवाले अपिलमार्फत् भनेका छन्, ‘नेपाली जनताको हरेक क्षेत्र, वर्ग एवं समुदायको पीडा र भावनालाई अब नेपाली काँग्रेसले अझ प्रखर ढंगले मुखरित र नेतृत्व गर्नेछ ।’ उनले भोलिको प्रदर्शनमा सबै लोकतन्त्रवादीलाई सहभागी हुन अपिल समेत गरेका छन् ।
देउवाले सालिन प्रतिपक्षीको भुमिका निभाइरहँदा सरकार भ्रष्टाचारमा डुबेकाले देशलाई नै लज्जित तुल्याएको टिप्पणी गरेका छन् ।
