काठमाडौं, १ पुस । तास खेलिरहेको अवस्थामा ७ जनालाई प्रहरीले पक्राउ गरेको छ । बुढानिलकण्ठ न्युकोलोनी बस्ने मिरा राईको घरमा तास खेलिरहेको अवस्थामा काठमाडौं धुम्बाराही बस्ने ६८ वर्षीय राम बन्जारा लगायत ७ जना मंगलबार राति पक्राउ परेका हुन् ।
उक्त स्थानमा तास खेलिरहेको खबर प्राप्त हुनासाथ महानगरीय प्रहरी वृत्त महाराजगंजबाट खटिएको प्रहरीले उनीहरुलाई नगद १ लाख ५५ हजार ४ सय ३० रुपैयाँ र ३ बुक तास सहित पक्राउ गरेको बताएको छ । यस सम्बन्धमा प्रहरीले थप अनुसन्धान गरिरहेको जनाएको छ ।
