मोरङ, ८ पुस । लागुऔषध ब्राउन सुगरसहित एक युवक पक्राउ परेका छन् । बिराटनगर महानगरपलिका–१२ प्रगति टोलबाट अवैध लागूऔषध ४ ग्राम ब्राउन सुगर सहित सोही ठाउँ बस्ने २६ वर्षीय सन्तोष मण्डललाई मंगलबार दिउँसो प्रहरीले पक्राउ गरेको हो ।
जिल्ला प्रहरी कार्यालयबाट खटिएको प्रहरीले जाँच गर्ने क्रममा उक्त परिमाणको लागूऔषध सहित फेला पारी उनलाई पक्राउ गरेको जनाएको छ । यस सम्बन्धमा स्थानीय प्रहरीले थप अनुसन्धान गरिरहेको बताएको छ ।
