काठमाडौं,८ पुस । अवैध लागुऔषध सहित एक महिला पक्राउ परेकी छिन् । बाजुरा गौमुल घर भई बडिमालिका नगरपालिका–८ मार्तडीमा पसल गरी बस्ने ४९ वर्षीया मैना रोकायालाई मंगलबार दिउँसो अवैध लागूऔषध करिब ५ सय ग्राम चरेश जस्तो देखिने कालो पदार्थ सहित प्रहरीले पक्राउ गरेको हो ।
विशेष सूचनाको आधारमा जिल्ला प्रहरी कार्यालयबाट खटिएको प्रहरीले उनको पसलमा जाँच गर्दा लुकाई छिपाई राखेको उक्त पदार्थ फेला पारी पक्राउ गरेको बताएको छ ।
