मोरङ, १० पुस । आफ्नै घरमा आगजनी गरेको अभियोगमा एकजना पक्राउ परेका छन् । आफ्नै घरमा आगजनी गरेको अभियोगमा सुन्दरहैचा नगरपालिका–११ कर्जुनाका मनि उरावलाई बिहीबार दिउँसो प्रहरीले पक्राउ गरेको हो ।
मनिले मादक पदार्थ सेवन गरी आफ्नै घरमा आगजनी गरेको खबर प्राप्त हुनासाथ ईलाका प्रहरी कार्यालय बिराटचोकबाट खटिएको प्रहरीले उनलाई पक्राउ गरेको बताएको छ । आगजनीबाट घर जलेर करिब १ लाख रुपैयाँ बराबरको धनमाल नष्ट भएको छ । दमकल र स्थानीय बासिन्दाको सहयोगमा आगो पूर्णरूपमा नियन्त्रणमा लिइएको जानकारी दिएको छ । यस सम्बन्धमा प्रहरीले थप अनुसन्धान गरिरहेको बताएको छ ।
