काठमाडौं, १२ पौष । प्रदेश १ का मुख्यमन्त्री शेरधन राईविरुद्ध अविश्वासको प्रस्ताव दर्ता भएको छ । आज नेपाल कम्युनिस्ट पार्टीको प्रचण्ड समूहले राईविरुद्ध अविश्वासको प्रस्ताव दर्ता गरेको हो ।
राईविरुद्ध प्रचण्ड समूहका इन्द्रबहादुर आङ्बो अविश्वासको प्रस्तावको प्रस्तावक छन् । उनीसहित ३७ जना प्रदेशसभा सदस्यहरुको हस्ताक्षरको निवेदन दर्ता भएको हो ।
प्रधानमन्त्री केपी शर्मा ओलीले संसद बिघटनको सिफारिश गरेपछि त्यसलाई सदर गरी राष्ट्रपति विद्यादेवी भण्डारीले मध्यावधि चुनावको घोषणा गरेसँगै प्रदेशसभामा समेत कम्पन आएको हो । नेकपा विभाजन भएसँगै प्रदेशमा समेत सरकारहरु संकटमा परेका छन् । शुक्रबार नै बागमती प्रदेशका मुख्यमन्त्री डोरमणि पौडेलविरुद्ध अविश्वासको प्रस्ताव दर्ता भएको थियो ।
