रौतहट, १२ पुस । श्रोत नखुलेको १२ लाख रुपैयाँ सहित २ जनालाई प्रहरीले पक्राउ गरेको छ । गौर नगरपालिका–४ बाट श्रोत नखुलेको १२ लाख नेपाली रुपैयाँ सहित २ जना पक्राउ परेका हुन् ।
पक्राउ पर्नेहरुमा भारत बिहार मोतिहारी थाना बरगैनिया गाउँ फुलबरिया बस्ने ४० वर्षीय ललन कुमार र सोही ठाउँ बस्ने २३ वर्षीय रोहित जैसवाल रहेका छन् ।
जिल्ला प्रहरी कार्यालय रौतहटबाट खटिएको प्रहरीले भारतबाट नेपालतर्फ आउँदै गरेका उनीहरुलाई जाँच गर्दा कुमार र जैसवालको साथबाट ६ र ६ लाख गरी उक्त रुपैयाँ सहित फेला पारी पक्राउ गरेको जानकारी दिएको छ । यस सम्बन्धमा प्रहरीले थप अनुसन्धान गरिरहेको जनाएको छ ।
