काठमाडौं, १४ पुस । कोरोना संक्रमणबाट आज थप ८ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको सख्या १८४० पुगेको स्वास्थ्य मन्त्रालयले जनाएको छ ।
२४ घन्टामा नयाँ संक्रमित ७ सय ८ थपिएका छन् । आज ७ हजार ३१ जना कोरोना संक्रमणबाट निको भई घर फर्केका छन् । हालसम्म २ लाख ५९ हजार ५ सय ४८ संक्रमित भएपनि २ लाख ५१ हजार ३ सय १२ जना संक्रमण निको भई डिस्चार्ज भईसकेका छन् भने ६ हजार ३ सय ९६ जना संक्रमितको उपचार भइरहेको स्वास्थ्य तथा जनसख्या मन्त्रालयले जनाएको छ ।
आजसम्म १९ लाख २१ हजार ३ सय ६७ जनाको पिसीआर परिक्षण भएको छ भने क्वारेन्टिनमा बस्नेको सख्या ३ सय ६५ रहेको छ ।
