एजेन्सी, १६ पुस । यो वर्ष कोरोना महामारीको कारण लाखौ मानिसहरुले ज्यान गुमाएका छन् । धेरै मानिसहरु संक्रमित भएका कारण छटपटिरहेका छन् । बलिउडका धेरै कलाकारहरु यसको सिकार हुन पुगे । अभिनेत्री रिया चक्रवर्तीको लागि भने २०२० नाटकले भरियो । १४ जुनमा सुशान्त सिंह राजपुतको निधनपछि रिया चारैतिरबाट विवादमा घेरिइन् । उनीमाथि सुशान्तको मृत्युमा साथ दिएको आरोप लगाइयो । जसको कारण उनका परिवारहरुले पनि धेरै कठिनाईसँग सामना गर्नुपरेको थियो ।
लागुऔषध प्रकरणमा नाम आएपछि रियालाई एनसीबीले गिरफ्तार गरेको थियो । उनी एक महिनासम्म जेलमा बिताए पछि जमानतमा छुटेकी थिइन् । जमानतमा छुटेपनि उनी कठिनाईबाट भने मुक्त हुन सकिनन् । उनी विवादमा फसेपछि परिवारमा त्यसको असर कहिल्यै नमेटिने गरी नराम्रोसँग परेको छ ।
छोरा र छोरी विवादमा आएपछि दुःखी भएका परिवारले नयाँ घर खरिद गर्न खोजिरहेको छ । नयाँ घर खरिद गर्नलाई नै रियाका परिवार खोजीमा रहेका छन् । एक भिडियो बाहिरिएको छ, जसमा रियाका आमा बाबु घर खोज्दै हिडेको देखिन्छ । रियाले मुम्बई प्रहरी समक्ष सुरक्षाको माग पनि गरेकी थिइन् । यसबाट पनि रियाका घर परिवारले नयाँ घर खोजिरहेको बुझ्न सकिन्छ ।
