धनुषा, १७ पुस । बालकको हत्या गरेको अभियोगमा बृद्धलाई प्रहरीले पक्राउ गरेको छ । बिदेह नगरपालिका–२ दुहबीका जिवन रायको छोरा ६ वर्षीय अभिन्दन रायको हत्या गरेको अभियोगमा सोही ठाउँ बस्ने ६० वर्षीय ब्रम्हदेव राय लगायत ५ जना पक्राउ परेका हुन् ।
घर अगाडी खेल्ने क्रममा बुधबार दिउँसोबाट हराई बेपत्ता भएका अभिन्दनको बिहीबार ब्रम्हदेवको गोठमा गाडिएको अवस्थामा शव फेला परेको प्रहरीले जनाएको छ ।
ब्रम्हदेव लगायत ५ जनालाई जिल्ला प्रहरी कार्यालय धनुषा र सिमा प्रहरी चौकी दुहवीबाट खटिएको संयुक्त प्रहरी टोलीले पक्राउ गरेको जानकारी दिएको छ । यस सम्बन्धमा प्रहरीले आवश्यक अनुसन्धान गरिरहेको छ ।
